Drejtori i Institutit Octopus, Agim Musliu ka thënë se rezoluta e OKB-së që pritet të gjykojë gjenocidin e Srebrenicës ka alarmuar presidentin e Serbisë, Aleksandër Vuçiq.
Ky reagim i Musliut vjen pasi media serbe e kontrolluar nga Beogradi "Kosovo Online", por edhe media të tjera serbe janë marrë me gjenocidin në Srebrenicë. Sipas tij, ky është shembull tipik i luftës dezinformative serbe - si pjesa më e rëndësishme e luftës hibride të zhvilluar nga Serbia, aleati kryesor i Rusisë.
Eksperti i çështjeve të sigurisë ka thënë se kjo dëshmon se shumica e mediave serbe kontrollohen nga Beogradi, pavarësisht se ku veprojnë.
Shembulli në foto tregon se shumica e mediave serbe kontrollohen nga Beogradi, pavarësisht se si quhen dhe ku veprojnë.
“Ky është gjithashtu një shembull tipik i luftës së dezinformatave serbe - si pjesa më e rëndësishme e luftës hibride të zhvilluar nga Serbia, aleati kryesor i Rusisë së Putinit", ka shkruar ai në X.
