Konfiskohet sasi e madhe e armatimit në Zveçan, policia jep detaje: Këto janë dyshimet

Policia ka konfiskuar sasi të madhe të armatimin në rrethinë të  Zveçanit, që dyshohet se ka mbetur nga sulmi i 24 shtatorit në Banjskë.

Lidhur me operacionin policor, ministri i Punëve të Brendshme Xhelal Sveçla dhe drejtori i Policisë, Gazmend Hoxha, kanë mbajtur konferencë për media.

Hoxha tregoi sasinë e armatimit të sekuestruar.

“1 mijë e 588 municione apo fishekë, 10 armë të gjata, 6AK 47, mitrolozë, 62 shok-bomba, eksploziv, dylbi, radiolidhje, shurdhues, karikatorë të mbushur e të zbrazët, maska, antiplumb, unifromë e ushtrisë serbe dhe 10 uniforma të Policisë së Kosovës, pajisje për dronë, etj”, tha ai.

Hoxha ka thënë se Policia e ka siguruar informacionin nga qytetarët dhe Agjencia e Kosovës për Inteligjencë (AKI).

Gazmend Hoxha, Drejtor i Përgjithshëm i Policisë së Kosovës, në një konferencë të jashtëzakonshme për media së bashku me ministrin e Punëve të Brendshme Xhelal Sveçla, dhanë detaje për armatimin e kapur në rrethinë të Zveçanit.

“Stacioni policor i Zveçanit, nga informacionet e pranuara dhe nga AKI ka kryer një bastisje në rrethinën e Zveçanit në afërsi të Urës së Hekurt. Aty është gjetur armatim, pajisje ushtarake, eksploziv, shok-bomba, të cilat dyshohet se janë lënë atje me qëllim të sulmit ndaj inistitucioneve të sigurisë së Kosovës dhe krijimit të pasigurisë dhe krijimit të një situatë të pazakontë të sigurisë në këtë pjesë”, tha Hoxha në konferencë për media.

Sipas tij, policia ka arritur me sukses ta kryejë operacionin, teksa tregoi sasinë e armatimit të sekuestruar.

“1 mijë e 588 municione apo fishekë, 10 armë të gjata, 6AK 47, mitrolozë, 62 shok-bomba, eksploziv, dylbi, radiolidhje, shurdhues, karikatorë të mbushur e të zbrazët, maska, antiplumb, unifromë e ushtrisë serbe dhe 10 uniforma të Policisë së Kosovës, pajisje për dronë, etj”, tha ai

“Policia do ta vazhdojë hetimin për këtë rast”, konfirmoi drejtori i PK-së.

Ndërsa, ministri Sveçla tha se “ata që cënojnë rendin kushtetues dhe shkelin ligjin herët a vonë të gjithë do të vijnë para drejtësisë dhe do të dënohen bazuar në veprat që i kanë shkaktuar apo planifikuar për t’i shkaktuar në cënim të sigurisë së Republikës së Kosovës”.

Policia e Kosovës ka zhvilluar sot një operacion të suksessheëm ku është konfiskuar sasi e madhe e armatimit.

Burime të medias bëjnë të ditur se informatat ishin nga AKI-ja.

Armët e kapura janë nga inteligjenca e AKI-së, kurse në mesin e gjërave të kapura është edhe një kapelë me emblemën e BIA-s serbe.

Sasia e armatimit do të bëhet e ditur në një konferencë për media 

Policia e Kosovës ka bërë të ditur se Drejtoria Rajonale Policore – Mitrovicë Veri do të mbajë një konferencë të jashtëzakonshme për media nga ora 19:30.

Sipas policisë, në këtë konferencë do të paraqiten detaje rreth një operacioni policor të gjetjes dhe konfiskimit të një sasie të armatimit.

“Në këtë konferencë pritet të marrin pjesë, ministri i MPB-së z. Xhelal Sveçla dhe drejtori i përgjithshëm i Policisë së Kosovës, kolonel Gazmend Hoxha”, thuhet në njoftimin e policisë.