Minatorëve nuk iu dalin pagat, Sindikata: Janë paguar vetëm disa kategori e pozita pune

Aktuale

Minatorëve nuk iu dalin pagat, Sindikata: Janë paguar vetëm disa kategori e pozita pune

Më: 22 maj 2024 Në ora: 16:07
Trepça

Sindikata e Pavarur e Minatorëve të “Trepçës” ka njoftuar se janë bërë më shumë se dy javë prej kur është dashur të bëhej ekzekutimi i pagave për minatorët.

Sipas tyre, një realizim i tillë është bërë në mënyrë selektive dhe diskriminuese, duke ekzekutuar pagat vetëm për disa kategori dhe pozita të punës.

Tutje nga kjo Sindikatë kanë kërkuar që menjëherë të bëhet ekzekutimi i pagave.

“Kanë kaluar tashmë e dy javë nga dita kur është dashur të bëhej ekzekutimi i plotë i pagave për minatorët. Por një realizim i tillë është bërë në mënyrë selektive dhe diskriminuese, duke ekzekutuar pagat vetëm për disa kategori dhe pozita të punës.

Një qasje të tillë e konsiderojmë diskriminuese, të kundërligjshme dhe të papërgjegjshëm. Ne kërkojmë ekzekutimin e pagave menjëherë, për të gjithë minatorët( të gjithë të punësuarit në Trepça Sh.a) pa dallim dhe diskriminim. Kësaj qasje arbitrare ndaj minatorëve duhet ti vie fundi”, është thënë në reagim.

commentFirst article
Sot mund të lexoni Shfletoni kopertinat