Forcave të Sigurisë së Kosovës i janë shtuar edhe 15 kadetë të rinj, të cilët kanë diplomuar sot në nivelin bachelor.
Ministri i Mbrojtjes, Ejup Maqedonci ka vlerësuar se profesionalizmi i tyre do t’i shërbej zhvillimit të ushtrisë.
“Përgëzime për arritjen akademike të ushtarakëve tanë në programin civil të studimeve, dhe qofshin gjithmonë faqebardhë në detyrën fisnike për mbrojtjen e atdheut”, ka shkruar ai.
Postimi i plotë:
Sot diplomuan në nivelin Bachelor në Universitetin Amerikan të Kosovës pesëmbëdhjetë kadetë të FSK-së, profesionalizmi i të cilëve do t'i shërbej zhvillimit të ushtrisë sonë.
Përgëzime për arritjen akademike të ushtarakëve tanë në programin civil të studimeve, dhe qofshin gjithmonë faqebardhë në detyrën fisnike për mbrojtjen e atdheut.
