Ministri i Mbrojtjes, Ejup Maqedonci, ka takuar komandantin e KFOR-it, gjeneralmajor Özcan Ulutaş.
Maqedonci përmes një postimi në Facebook, ka shkruar se gjatë bisedës me komandantin ka shpreh mirënjohje për trupat e KFOR-it dhe vlerësimin për nivelin e lartë të bashkëpunimit me FSK-në.
“Po ashtu komandantin e njoftova rreth fazës në të cilën jemi sa i përket implementimit të Planit Gjthëpërfshirës të Tranzicionit si dhe zhvillimin e FSK-së.
Me këtë rast, gjeneralmajor Ulutaş shprehu kënaqësinë e tij për të arriturat e deritashme të Ministrisë së Mbrojtjes, si dhe gatishmërinë për vazhdimin e koordinimit të ndërsjellë për çështjet me interes të përbashkët në kuadër të zhvillimeve aktuale dhe ndikimit të tyre në mjedisin e sigurisë”, thuhet në njoftim.
