Gruaja që po e çudit botën padyshim është Kristin Harila.
Harila ka bë senzacion, ngjitet në 14 majat më të larta, mbi 8000 metra për 92 ditë.
“Historia është bërë! Urime Kristin Harila.
E përgëzojmë Kristin Harilan e Norvegjisë dhe Tenjen Lama të Nepalit për ngjitjen në 14 maja me tetë mijë metra për vetëm 92 ditë (3 muaj e 12 orë)”, shkruan faqja zyrtare “Trekking in Nepal”.
Mediumi britanik “Guardian” shkruan për gruan që u fut në historinë e alpinizmit: “Gruaja norvegjeze ka përfunduar ngjitjen më të shpejtë nga të gjitha 14 malet më të larta të botës, duke përfunduar raundin për tre muaj e një ditë, duke thyer rekordin e mëparshëm tre muaj e pesë ditë nga Nirmal "Nims" Purja”.
"Kristin Harila, ish-skiatore profesioniste, përfundoi ngjitjen në majën K2 në Pakistan, mali i dytë më i lartë në botë, pasi u nis për t’u ngjitur në të gjitha 14 majat me lartësi mbi 8,000 metra në më pak se katër muaj”, shkruan mes të tjera “Guardian”.
Sponsorët e saj, kompania e jashtme Osprey, dha lajmin për suksesin e saj: “Me këtë arritje të jashtëzakonshme, Kristin ka vendosur një pikë referimi të ri në historinë e alpinizmit dhe ka siguruar statusin e saj si një pioniere e jashtëzakonshme në këtë fushë.
Arritja e saj shërben si frymëzim për aventurierët dhe alpinistët anembanë globit, duke dëshmuar se me përkushtim dhe qëndrueshmëri mund të arrihen lartësi të jashtëzakonshme”.
