Kandidati i pavarur për president amerikan, Robert F. Kennedy Jr. kishte një parazit në tru më shumë se një dekadë më parë, por që atëherë është shëruar.
“Kennedy udhëtoi disa herë në Afrikë, Amerikën e Jugut dhe Azi si një aktivist mjedisor dhe në një nga ato vende ai mori parazitin”, tha zëdhënësja e fushatës së tij, Stefanie Spear.
“Problemi është zgjidhur më shumë se dhjetë vjet më parë dhe ai është në gjendje të mirë fizike dhe mendore”, shtoi ajo, raporton cnn.
The Times raportoi se Kennedyt, mjeku ia konfirmoi një anomali pas skanimit të trurit “të shkaktuar nga një krimb që hyri në të, ia hëngri një pjesë dhe më pas vdiq”.
The Times e mori këtë informacion falë dokumenteve nga rasti i shkurorëzimit mes Kennedyt dhe gruas së tij të dytë, Mary Richardson Kennedy. Me këto të dhëna, kandidati për president u përpoq të provonte se aftësia për të fituar para ishte zvogëluar për shkak të problemeve njohëse.
Mary Richardson Kennedy vrau veten në vitin 2021, ndërsa ajo dhe Kennedy po luftonin për kujdestarinë e katër fëmijëve të tyre.
Kennedy, nipi i ish-presidentit amerikan John F. Kennedy, do të përballet me kandidatin republikan Donald Trump dhe kandidatin demokrat, presidentin aktual, Joe Biden, në zgjedhjet presidenciale të nëntorit. Sondazhet tregojnë se ai mund të marrë tetë për qind të votave.
