Presidenti i Federatës së Atletikës së Kosovës, Halil Sylejmani, ka realizuar një ëndërr të madhe në mbretëreshën e sporteve.
Pas dy dekadave të çlirimit të Kosovës nga agresori serb, atletika ka shënuar rezultatin më të mirë në histori.
Atletika ka kampionin e Evropës U-20 në hedhjen e gjyles, duke iu falënderuar atletit të talentuar Muhamet Ramadani dhe trajnerit të tij Shaban Ramadani.
Sylejmani pas shumë orvatjeve të shumta megjithatë arriti qëllimin e madh, në një sport që ka konkurrencë të tmerrshme në Kontinentin e Vjetër.
Sylejmani ka një mijë e një arsye që të mburret dhe qëllimi i tij është që një ditë të ketë edhe kampionin e Evropës për seniorë.
ë anën tjetër, kur i shtohet fakti se atletika përkundër që i mungon infrastruktura sportive, të arrihet ky sukses është një punë e madhe që u bë nga Muhamed Ramadani së bashku me trajnerin Shabani, duke pasur krah të fortë edhe Halil Sylejmanin, që nuk kursen asgjë.
Është vit i artë për atletikën, një vit për t’u mbajtur mend, kampion i Evropës për U-20 në hedhjen e gjyles, një mrekulli dhe një dhuratë e madhe për gjithë këtë komunitet.