Ushtria izraelite IDF ka urdhëruar evakuimin e palestinezëve nga më shumë lagje në qytetin jugor të Rafah.
Forcat e Mbrojtjes së Izraelit kanë lëshuar një deklaratë duke thënë se “deri më tani rreth 300,000 banorë të Gazës kanë lëvizur drejt zonës humanitare në al-Maëasi” që nga urdhri i dhënë të hënën.
Thirrjet për “evakuim të përkohshëm” po u komunikohen banorëve përmes “fletushkave, mesazheve SMS, telefonatave dhe transmetimeve mediatike në gjuhën arabe”, thuhet gjithashtu në deklaratë.
IDF thotë gjithashtu se ata u kanë bërë thirrje njerëzve në dhe rreth Jabaliya, në Gazën veriore, që të “evakuohen përkohësisht në strehimore në qytetin perëndimor të Gazës” në mënyrë që të “zvogëlojnë dëmet” për banorët “pas përpjekjeve të Hamasit për t’u mbledhur” në zonë.
Të paktën 34,971 njerëz janë vrarë në Gaza që nga fillimi i luftës më 7 tetor,
Në anën tjetër, ministria e shëndetësisë e Gazës e drejtuar nga Hamasi në vlerësimin e saj të fundit të numrit të përgjithshëm të vdekjeve tha se të paktën 34,971 njerëz janë vrarë në Gaza që nga fillimi i luftës më 7 tetor.
Të paktën 78,641 të tjerë janë plagosur gjatë ofensivës ushtarake të Izraelit, sipas ministrisë.
