Helikopteri që u rrëzua ndërsa mbante presidentin dhe ministrin e Jashtëm të Iranit nuk e kishte sistemin e sinjalizimit të ndezur ose nuk posedonte një sistem të tillë, tha ministri i Transportit i Turqisë, Abdulkadir Uraloglu.
Uraloglu u tha gazetarëve se meqenëse Irani ra në zonën e përgjegjësisë së Turqisë për reagimin emergjent, autoritetet kishin kontrolluar për një sinjal nga helikopteri pasi kishin dëgjuar se ai ishte rrëzuar.
“Por për fat të keq, (ne mendojmë) ka shumë të ngjarë që sistemi i sinjalit të jetë fikur ose që helikopteri nuk e kishte atë sistem sinjalistik, sepse ne patjetër do t'i shihnim ato sinjale, por ata nuk (treguan këtë herë)”, tha ai.
