Dy anëtarë të Hezbollahut libanez u vranë dhe tre civilë u plagosën në një sulm ajror izraelit në një shtëpi në fshatin juglindor të Libanit, Mays al-Jabal, thanë burimet ushtarake libaneze.
Burimet, të cilët folën në mënyrë anonime, thanë se anëtarët e Mbrojtjes Civile dhe Autoritetit Shëndetësor Islamik punuan për të hequr rrënojat e shtëpisë, e cila ishte shënjestruar nga një avion luftarak izraelit me katër raketa ajër-tokë dhe transportuan dy trupat dhe tre të plagosur në spitalin qeveritar Mays al-Jabal.
Ndërkohë, Hezbollah tha se luftëtarët e tij përdorën dronë dhe raketa Katyusha për të sulmuar disa vende ushtarake izraelite, duke përfshirë Bayad Blida, Ruwaisat al-Alam, vendbanimin Evin Menachem dhe një grumbullim ushtarësh në Trekëndëshin Sarawat, përballë qytetit Yaroun.
Tensionet përgjatë kufirit Liban-Izrael u përshkallëzuan më 8 tetor 2023, pas një breshëri raketash të lëshuara nga Hezbollahu drejt Izraelit në solidaritet me sulmin e Hamasit ndaj Izraelit një ditë më parë. Izraeli më pas u kundërpërgjigj duke gjuajtur artileri të rëndë në drejtim të Libanit juglindor.
