Sulmet ajrore izraelite në Rafah thuhet se kanë vrarë 30 njerëz pasi Hamasi lëshoi sulme me raketa drejt Tel Avivit për herë të parë në disa muaj.
Sulmi në qytetin jugor të Gazës goditi tendat për personat e zhvendosur, sipas mjekëve palestinezë.
Zyra e mediave qeveritare e Hamasit në Gaza tha se të paktën 30 persona kanë vdekur. Deri më tani është e paqartë nëse ka pasur një apo më shumë sulme.
Një zëdhënës i Shoqatës së Gjysmëhënës së Kuqe Palestineze tha se numri i të vdekurve ka të ngjarë të rritet ndërsa përpjekjet e kërkim-shpëtimit vazhdojnë në lagjen Tal al Sultan të Rafah, në perëndim të qendrës së qytetit.
Ata thanë tha se lokacioni ishte caktuar nga Izraeli si një “zonë humanitare”.
Ndërkohë nuk kishte asnjë koment të menjëhershëm nga IDF.
Të premten, Gjykata Ndërkombëtare e Drejtësisë urdhëroi Izraelin të ndalojë ofensivën e tij në Rafah, me Izraelin që këmbëngul se është çelësi i vetëmbrojtjes së tij dhe qëllimi për të shkatërruar tërësisht Hamasin.
