Vijon beteja e fortë për kreun e renditjes në Konferencën e Perëndimit, ku tri skuadra ndahen nga një fitore. Minnesota ruan për momentin vendin e parë, duke mundur 130-121 Washington, ndeshje ku u dallua Anthony Edwards me 51 pikë.
Të njëjtën gjë bën edhe Denver, që mundi 111-95 Utah Jazz, sfidë ku diferencën në fushë e bënë Jokic e Murray me nga 28 pikë secili. Në vendin e tretë, me një fitore më pak ndodhet Oklahoma, që sot mposhti 112-105 Sacramento.
Zhgënjen ekipi i Lakers, që në fushën e tij u mund 134-120 nga Golden State, ndeshje ku shkëlqeu Klay Thompson, autor i 27 pikëve. Fiton edhe ekipi i Milwaukee, që mundi 104-91 kryesuesit e Boston në Lindje dhe ngjitet në vendin e dytë.
NBA-Rezultatet e sotme
Charlotte – Dallas, 104-130
Philadelphia – Detroit, 120-102
Toronto – Indiana, 123-140
Atlanta – Miami, 111-117
Milwaukee – Boston, 104-91
Chicago – New York, 117-128
Houston – Orlando, 118-106
Memphis – San Antonio, 87-102
Minnesota – Washington, 130-121
Oklahoma – Sacramento, 112-105
Utah Jazz – Denver, 95-111
Lakers – Golden State, 120-134
Phoenix – Clippers, 92-105
Portland – New Orleans, 100-110
