Me vendim të Bordit të Federatës së Boksit, Faton Xhakli është emëruar trajner i Përfaqësuese së Kosovës në Boks. Më të marrë këtë post, Xhakli ka thënë për KP se arsyeja pse e ka marrë këtë përgjegjësi është se ka shumë për t’i dhënë boksit dhe me synimin për të sjellë medalje elitarë në Kosovë.
Duke folur për KP, Xhakli ka theksuar se udhërrëfyesi i të gjithë boksierëve të rinj duhet të jetë medalistja botërore, Donjeta Sadiku.
Xhakli: Mora këtë pozitë pasi jam i bindur se mund t’i jap shumë boksit
“Arsyeja e parë ka qenë që jam shumë i lidhur me boksin dhe kam filluar shumë herët si sportist dhe si trajner...dhe kam treguar rezultate të mira në klubin tim dhe arsyeja e parë ka qenë ajo sepse unë edhe kam qenë selektor në boksin e femrave trajner ku me Donjeta Sadikun kemi rrëmbyer medaljen e argjendtë në Kampionatin Botëror. Te Donjeta, udhërrëfyesi ynë është ajo dhe ajo ka qenë arsyeja më e madhe që unë tani edhe prej Donjetës mendoj edhe te meshkujt ku te meshkujt shihet një masovitet më i madh se sa te vajzat dhe besoj që unë jam i duhuri që mund të kontribuojë më shumë”, tha fillimisht Xhakli.
Paraardhësi i Xhaklit, Besim Brahimi kishte dhënë dorëheqje nga kjo pozitë me arsyetimin se kishte mungesë të mbështetjes financiare, por Xhakli thotë kjo pjesë për të nuk paraqet fare problem
Xhakli: Rëndësi për mua kanë rezultatet, jo pagesa.
“Unë për pagesë, thash edhe më herët që pagesën nuk e kam parë shumë të arsyeshme, sa e shoh të arsyeshme rezultatin. Nëse ne kemi rezultat, pagesat janë shumë të mira. Unë e di që boksierët Bajoku marrin nga Komiteti Olimpik dhe ministria përkrahje dhe normal që ne shumicën e sportistëve e boksierëve ne duhet t’i përkrahim nga klubi, kurse unë si trajner i kam mëditjet që janë të parapara. Unë për vete jam i kënaqur vetëm atëherë kur tregoj rezultat”, theksoi Xhakli.
Ndërsa, sa i përket bokseires Donjeta Sadiku, Xhakli ka pohuar se është një aset për sportin e Kosovës dhe treguesi më i mirë se si me punë arrihet një rezultat kulminant.
Xhakli: Sadiku është model se si arrihet deri të rezultatet kulminante
“Donjeta Sadiku e ka planin e vet, e ka vendosmërinë dhe besimin shumë të madh dhe me ato gjëra ka arritur aty ku është. Unë gjithmonë i kam përcjellë kampionatet botërore, por kurrë nuk e kam ditur që kampionen botërore e kemi mbrapa, por aty u vërtetua që vetëm me punë arrihen ato gjëra. Ajo është duke punuar me trajneren shumë të mirë Marjola Sallauka e cila është një trajnerë shumë e kuptueshme dhe kemi pasur një bashkëpunim shumë të mirë në Kampionatin Botëror dhe mendoj që ajo na ka sjellë deri te rezultati i Donjeta Sadikut”, bëri të ditur Xhakli.
Sa i përket synimeve, Xhakli ka zbuluar se ka dy objektiva kryesxore
Xhakli: Synimi im është suksesi në Kampionatin Evropian dhe atë Botëror
“Synimi im është të jem sa më afër sportistëve, bashkëpunimi me klubet tjera, me trajnerët tjerë, me të gjithë do të mundohemi bashkarisht dhe besoj që do të kemi rezultate. Rezultati normal që do të vie, tani është edhe Kampionati Evropian U22 në Sofie të Bullgarisë, pastaj vitin tjetër është Kampionati Botëror, duhet të mendojmë që tani që të përgatitemi për Kampionatin Botëror”, shtoi ai.
Në fund, Xhakli konfirmoi se Federata e Boksit të Kosovës është duke bashkëpunuar më Federatën Botërore të Boksit që në Kosovë të vie edhe një trajner i huaj me qëllimin që të bëhet një punë më efikase dhe pre të pasur pastaj rezultate kuliminane të boks.
