Ministria e Mbrojtjes e Rusisë pretendon se ka arritur një marrëveshje me Ukrainën që ushtarët e plagosur të evakuohen nga fabrika e rrethuar e çelikut Azovstal në Mariupol, raporton BBC, përcjell Bota sot.
Agjencia shtetërore ruse e lajmeve RIA Novosti raporton se, sipas kushteve të marrëveshjes, ushtarët që aktualisht janë të bllokuar në fabrikën e çelikut do të dërgohen në një spital në territorin e kontrolluar nga Rusia.
Askush nga pala ukrainase nuk i ka konfirmuar deri më tani raportet.
Më herët raportuam se ushqimi dhe uji po bëhen gjithnjë e më të pakta në vend, ku qindra ushtarakë ukrainas po strehohen në bunkerë nën tokë, duke mbrojtur të vetmen bastion të mbetur ukrainas në qytetin port, i cili tani është nën kontrollin rus.
