Prokurorët gjermanë njoftuan të mërkurën se kishin vënë nën akuzë një tjetër të dyshuar në lidhje me një komplot të së djathtës ekstreme për të rrëmbyer ministrin e Shëndetësisë Karl Lauterbach dhe për të rrëzuar qeverinë në shenjë proteste kundër kufizimeve të Covid-19.
61 vjeçar, identiteti i të cilit nuk dihet, është në mesin e 6 personave të akuzuar për komplotin. Pesë persona të tjerë nga grupi, i cili e quajti veten “Patriotët e Bashkuar”, tashmë janë akuzuar në lidhje me komplotin e supozuar dhe kanë dalë në gjyq në qytetin perëndimor të Koblenz në maj 2023.
Personi i akuzuar të mërkurën dyshohet se “ka marrë pjesë në takimet e grupit dhe ka punuar për konkretizimin e planeve”. Planet thuhet se përfshinin goditje në rrjetin e energjisë për të shkaktuar një ndërprerje të zgjatur të energjisë që do të siguronte mbulim për një përpjekje për grusht shteti.
I dyshuari tha gjithashtu se ishte gati të ndihmonte rrëmbimin e Lauterbach, sipas prokurorëve.
