Një gjykatë britanike mund të marrë një vendim përfundimtar të hënën nëse themeluesi i WikiLeaks, Julian Assange (52), duhet të ekstradohet në SHBA për zbulimin e një numri të madh dokumentesh të klasifikuara amerikane, duke i dhënë fund 13 vjet betejash ligjore dhe paraburgimi.
Dy gjyqtarë në Gjykatën e Lartë të Londrës do të vendosin nëse gjykata është e bindur nga garancitë e SHBA se Assange nuk do të përballet me dënimin me vdekje dhe mund të mbështetet në të drejtën e tij të Amendamentit të Parë për lirinë e fjalës nëse akuzohet për spiunazh në SHBA.
Ekipi ligjor i Assange thotë se ka tre opsione, që ai ose mund të jetë në një aeroplan përtej Atlantikut brenda 24 orëve nga vendimi, të lirohet nga burgu ose të ngecë sërish në muaj të tërë betejash ligjore.
WikiLeaks ka publikuar qindra-mijëra dokumente të klasifikuara ushtarake amerikane mbi luftërat e Uashingtonit në Afganistan dhe Irak, si dhe një numër kabllogramesh diplomatike, shkelja më e madhe e sigurisë e këtij lloji në historinë e ushtrisë amerikane.
Autoritetet amerikane duan të nxjerrin në gjyq Assange me origjinë australiane për 18 akuza, pothuajse të gjitha sipas Aktit të Spiunazhit, duke argumentuar se veprimet e tij me WikiLeaks ishin të pamatur, dëmtuan sigurinë kombëtare dhe rrezikuan jetën e agjentëve.
Assange u arrestua për herë të parë në Mbretërinë e Bashkuar në vitin 2010 me një urdhër suedez për akuza për krime seksuale, të cilat më vonë u hoqën. Qe atëherë ai ka qenë në arrest shtëpiak, i burgosur në ambasadën e Ekuadorit në Londër për shtatë vjet dhe qe nga viti 2019 është mbajtur në burgun e sigurisë maksimale Belmarsh në juglindje të Londrës, në pritje të një vendimi për ekstradimin e tij.
Nëse Gjykata e Lartë vendos që ekstradimi mund të vazhdojë, rrugët ligjore të Assange në Mbretërinë e Bashkuar janë shterë dhe avokatët e tij do të aplikojnë menjëherë në Gjykatën Evropiane të të Drejtave të Njeriut për të kërkuar një urdhër urgjent dëbimi derisa ajo gjykatë të vendosë të dëgjojë të gjitha palët e tij.
Nga ana tjetër, nëse gjyqtarët refuzojnë kërkesat për ekstradim nga SHBA, atëherë ai do të mund të apelojë çështjen e ekstradimit me tri arsye, të cilat nuk mund të dalin deri në vitin e ardhshëm.
Është gjithashtu e mundur që gjyqtarët të vendosin që seanca e së hënës duhet të shqyrtojë jo vetëm nëse mund të bëhet një apel, por edhe se cila mund të jetë përmbajtja e atij apeli. Nëse ata vendosin në favor të tij në rrethana të tilla, ai mund të lirohet.
