Duke parë se dronët janë bërë një armë shumë e rrezikshme për këmbësorinë ruse, ata menduan se me disa modifikime do t’i shpëtojnë makineritë e tyre luftarake.
Megjithatë as ato duket se nuk po u ndihmojnë edhe aq shumë, siç është rasti me tankun rus që tashmë ka marrë emrin e “tankut-breshkë”.
Pamjet nga droni që janë filmuar nga Shadow Group, shfaq momentin kur pikërisht një tank i tillë shkatërrohet nga ukrainasit.
Ky tank i veshur me shtresa të çelikta dhe me pajisjen për deminim po lëvizte nëpër një fushë në Ukrainë, kur shkeli në minat antitank.
Pasi që u shkatërrua dhe nuk mund të vazhdonte rrugëtimin, ushtarët që ishin brenda dolën me shpejtësi para se të shpërthente municioni brenda dhe filluan të vrapojnë.
