Filmi “Scream” shënon 25 vjetorin e lansimit

Filma

Filmi “Scream” shënon 25 vjetorin e lansimit

Më: 2 tetor 2021 Në ora: 07:03
Scream

Fansat e filmit klasik horror “Scream” kanë shansin ta vizitojnë shtëpinë në Kaliforninë Veriore ku u xhirua ky film.

Ata mund të qëndrojnë atje nga një natë. Qëllimi i kësaj vizite është shënimi i 25 vjetorit të lansimit të tij si dhe kremtimi për lansimin e vazhdimësisë së tij që do të lansohet vitin e ardhshëm.

Mysafirët që vendosin të kalojnë një natë në këtë shtëpi, do të përshëndeten në mënyrë virtuale nga ylli i filmit “Scream”, David Arquette, i cili luan rolin e Sheriff Dewey Riley.

Ata do të përgjigjen në telefonatat të cilat përfshihen në film, të ndjekin maratonën e filmit “Scream”, të hanë ushqime të viteve të 90-ta, si kokoshka dhe produkte Reddi-whip, si dhe të eksplorojnë shtëpinë e cila për ta ofron skena rrënqethëse.

Mysafirët duhet të rezervojnë për të qëndruar një natë në shtëpinë e horroreve, “Scream”, e kjo do të bëhet në javën e hallouinit, për datat 27, 28 dhe 29 tetor 2021.

Për qëndrim në ktë shtëpi duhet paguar, e pagesa për një person për një natë është 5 dollarë. Rezervimi ka filluar prej dje në faqen e internetit Airbnb.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat