Konfirmohet vazhdimi i filmit “Joker”

Filma

Konfirmohet vazhdimi i filmit “Joker”

Më: 9 qershor 2022 Në ora: 08:01
Joker

Vazhdimi i “Joker 2”  është zyrtarisht në përgatitje, dhe regjisori Todd Phillips ka zbuluar se titulli i pjesë së re do të jetë “The Joker: Folie a Deux”.

Phillips, i cili drejtoi dhe bashkë-shkroi filmin e parë me Joaquin Phoenix në rolin kryesor, po ribashkohet me bashkë-skenaristin Scott Silver.

Phillips ndau kopertinën e kuqe të skenarit në faqen e tij në Instagram, ku përfshihet gjithashtu një fotografi e Phoenix duke lexuar skenarin.

Megjithëse detajet rreth vazhdimit janë të pakta, “Folie a Deux” përkufizohet si një çrregullim psikologjik në të cilin i njëjti ose një çrregullim mendor i ngjashëm prek dy ose më shumë njerëz.

Filmi i parë “Joker” u publikua në vitin 2019, historia origjinale ndjek Arthur Fleck, një kloun i vetëm në Gotham City, ndërsa kalon një transformim në Joker.

Filmi u ndikua shumë nga filma të tillë si “Taxi Driver” dhe “The King of Comedy”, të dy të drejtuar nga Martin Scorsese.

Megjithëse nuk kishte plane për të vazhduar, Worner Bros thuhet se i kërkoi Phillips të shkruante një vazhdim dhe ai tha se i duhej kohë për të krijuar ide për një pjesë tjetër.

Ai tha më herët se nuk do të kthehej për një vazhdim nëse nuk do të gjente “ndonjë rezonancë tematike” si në filmin e parë.

Sipas Box Office Mojo, filmi fitoi mbi 1 miliard dollarë me një buxhet prej vetëm 55 milionë dollarësh.

Përveç shifrave të tij marramendëse në arka, “Joker” ishte gjithashtu një sukses kritik duke solli një sërë nominimesh dhe trofesh. Filmi u nominua për 11 çmime “Oscar” dhe fitoi dy nga trofetë.

Joaquin Phoenix fitoi çmimin ‘aktori më të mirë’ dhe Hildur Guonadottir fitoi çmimin për ‘këngën më të mirë origjinale’.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat