Diego Simeone ka thënë se Atletico Madrid përballë Borussia Dortmund duhet të luajë siç po luan në La Liga.
Dy skuadrat ndeshen këtë javë në Champions League në ndeshjen e dytë çerekfinale të Champions League. Ndeshja e parë në Madrid është fituar nga Atletico me rezultat 2-1.
"Në këto momente nuk ka nevojë të thuhet asgjë. Çdo lojtar që është afër të jetë në mesin e katër më të mirëve në Evropë, nuk ka asnjë nxitje më të madhe. Ne duhet të luajmë siç po bëjmë”, ka thënë Simeone.
Ai ka folur edhe për skuadrën e Borussia Dortmund.
"Ne përballemi me një ekip që është shumë i fortë në shtëpi dhe që do të fillojë me një ritëm të lartë. Duhet të bëjmë si në ndeshjet e fundit në La Liga, ka besim të madh, do të luajmë një ndeshje të mirë. Ata kanë lojtarë shumë të fortë, madje edhe më të rinjtë. Vitin e kaluar patën një sezon të shkëlqyer, pothuajse duke ia hequr kampionatin Bayernit", ka thënë trajneri argjentinas.
