Legjenda e Arsenalit, Thierry Henry e ka etiketuar mesfushorin Vitinha si lojtarin kryesor të Paris Saint-Germain para Kylian Mbappe pas fitores në Champions League kundër Barcelona-s.
Parisienët arritën të përmbysnin spanjollët pas humbjes 3-2 të pësuar në Francë, dhe kanë siguruar gjysmëfinalet me rezultatin e përgjithshëm 6-4.
Edhe pse Mbappe dhe Ousmane Dembele u vlerësuan gjerësisht për paraqitjet e tyre, kontributet e Vitinhas bënë një ndryshim të rëndësishëm.
Ai realizoi një gol të zgjuar duke kaluar PSG-në në avantazh kundër Barcelonës në ndeshjen e parë dhe shënoi një tjetër gol të bukur nga jashtë zonës për të barazuar rezultatin e përgjithshëm në ndeshjen e dytë.
Henry tha për CBS Sports:
“Është njeriu kryesor për mua, ai ka drejtuar lojën për këtë ekip për një kohë shumë, shumë të gjatë tani, është Vitinha.
Askush nuk flet për të. Ai shënoi në Paris, ai shënoi përsëri në Spanjë. Ai ishte kudo. Por të gjithë do flasin për Kylian Mbappe”.
Deri më tani këtë sezon, Vitinha ka luajtur 10 ndeshje në kompeticionin më të lartë europian për klube, duke shënuar dy gola dhe duke dhënë një asist.
