Sikur të mos mjaftonte eliminimi nga Liga e Kampioneve, Barcelona është gjithashtu jashtë Botërorit për klube të FIFA-s të planifikuar për verën e vitit 2025 në SHBA: nga Spanja, pas Realit të Madridit, kualifikohet Atletico Madrid.
Sipas përllogaritjes së pikëve për tabelën kualifikuese, Barça duhej të ishte kualifikuar në finalen e Champions League të këtij viti dhe të shpresonte që “colchoneros” të eliminohej kundër Borussia Dortmund. Me eliminimin e të dyja skuadrave në çerekfinale, renditja mbetet e pandryshuar dhe avantazhi i skuadrës së Simeone ndaj klubit blaugrana nuk mund të zvogëlohet më.
Lista e skuadrave evropiane që do të marrin pjesë është pothuajse e plotë, vendi i fundit i disponueshëm do të ketë një garë kokë më kokë mes Arsenalit dhe Salzburgut.
“Topçinjtë” janë përpara austriakëve në renditje, por kjo nuk llogaritet sepse Anglia ka kualifikuar tashmë Chelsean dhe Manchester Cityn si fitues të Ligës së Kampionëve në 2021 dhe 2024 dhe për këtë arsye Arsenali mund të kualifikohet vetëm nëse fiton Ligën e Kampionëve: përndryshe, duke pasur parasysh se skuadrat e tjera në Champions League tashmë janë kualifikuar, Salzburgu do të jetë ai që do të buzëqeshë.
