Juventusi, siç ka bërë të ditur John Elkann, ia ka besuar çelësat e rinisjes së Juventusit Cristiano Giuntoli-t në funksion të sezonit të ardhshëm.
Teksa pritet të sigurojë kualifikimin në Champions dhe të zgjidhë përfundimisht nyjën e lidhur me stolin me zërat për një ndarje nga Allegri duke u bërë gjithnjë e më konkrete, menaxheri i zonës teknike të Juventusit ka nisur të planifikojë merkaton e verës për të forcuar “Zonjën e Vjetër”.
Juve dëshiron menjëherë të kthehet në luftën për titullin në kampionat dhe të jetë konkurruese në Europë, në emër të qëndrueshmërisë financiare që mund të çojë në disa zgjedhje të dhimbshme në merkaton e ardhshme.
Një nga këto zgjedhje të dhimbshme mund të ketë të bëjë me Bremer, i cili ka një klauzolë – e cila mund të aktivizohet në vitin 2025 – nga 60 deri në 70 milionë euro, me brazilianin që synohet kryesisht nga Manchester United.
“Djajtë e Kuq” do të tentojnë të bëjnë një lëvizje që në fillim të kësaj vere dhe një çek prej 60 milionë eurosh mund të bindë Juventusin të privojë veten nga ish-lojtari i Torinos.
Përveç Bremerit, e ardhmja e kapitenit Danilo (i skadon kontrata pas një viti dhe që do të çonte 10 milionë euro në arkat e Juventusit) do të ishte gjithashtu në balancë me lamtumirën e Allegrit në stol, ndërsa një tjetër sakrificë mund të ishte i riu Huijsen (vlerësuar rreth 30 milionë), aktualisht në huazim te Roma.
Operacionet në dalje, për një total prej rreth 100 milionë eurosh, të cilat do të financonin blerjet e ardhshme dhe kryesisht Calafiori: xhevahiri i Bolognas mbetet objektivi kryesor i mbrojtjes.
Përveç italianit U21, një objektiv i ndjeshëm në listën e drejtuesve të Continassa në repartin e mbrojtjes mbetet edhe serbi Pavlovic, tashmë në syrin e bardhezinjve për disa kohë, si dhe dy profile si Lacroix dhe Todibo.
