Wesley Sneijder thotë se Antony duhet të jetë i “turpëruar” që i shtyn lojtarët e Coventry Cityt dhe dëshiron që Manchester United të humbasë 5:0 në finalen e FA Cup.
Momente pasi “Djajtë e Kuq” kaluan ekipin e Championshipit në penallti për të arritur më pas në finalen e FA Cup, zëvendësuesi Antony mbylli veshin për të tallur lojtarët e Coventryt.
Trajneri i Unitedit, Erik ten Hag, mbrojti veprimet e sulmuesit, duke thënë se anësori ishte “provokuar”, por ish-ylli i Interit dhe Ajaxit, Sneijder, e ka përplasur brazilianin.
39-vjeçari tha për gazetën holandeze “Ziggo Sport” pas gjysmëfinales: “Antony duhet të jetë absolutisht i turpëruar për atë që bëri.
Ai duhet të kishte dalë direkt nga fusha në vend që ta bënte këtë.
Shpresoj që Manchester Unitedi të humbasë 5:0 në finale”.
Manchester United do të përballet në finale me Man Cityn në stadiumin “Wembley”.
