E ardhmja e Alvaro Moratas është e panjohur.
Fati i ish-sulmuesit të Juventusit është gjithçka tjetër veçse i thjeshtë për t’u parashikuar. Një sezon me dy fytyra ka fshirë shumë siguri në lidhje me qëndrimin e tij tek Atletico.
Nën drejtimin e Simeones, spanjolli fillimisht shkëlqeu me rekordin e tij personal të golave - që e pa atë të arrinte 20 gola – dhe më pas papritur (ose pothuajse) nuk shënoi më.
Sipas asaj që raporton gazeta spanjolle Marca, Morata mund të vlerësojë destinacione të tjera, duke përfshirë Italinë apo edhe Arabinë Saudite, tashmë një prani fikse në sfondin e shumë skenarëve të merkatos.
Sulmuesi është i lidhur me Colchoneros deri në vitin 2027. Por paraqitjet e fundit, si rasti i humbur në Dormund dhe zëvendësimi i vendosur nga Simeone në pjesën e parë, vënë në pikëpyetje të ardhmen e tij dhe madje edhe besimin e trajnerit, me të cilin ai ka qenë titullar në të gjitha ndeshjet më të rëndësishme (edhe falë dëmtimeve në Memphis).
Për këtë arsye, në Spanjë besojnë se është e përshtatshme të vlerësohen destinacionet e mundshme të lojtarit në rast lamtumire. Duke pasur parasysh të kaluarën e tij tek Juventus dhe lidhjet e tij me Italinë, Seria A është ndër parashikimet më të besueshme.
Por në të njëjtën kohë, nuk mund të përjashtohet një sulm i ri saudit, pas 50 milionëve në sezon të ofruara vitin e kaluar për sulmuesin e datëlindjes 1992.
