Pritet spektakël dhe vetëm spektakël.
Mbrëmjen e kësaj të marte rikthehet kompeticioni më i bukur, në botën e futbollit, UEFA Champions League, me “Bavarezët” e Bayern Munich, që do të presin, në “mitikun” e tyre, “Allianz Arena”, “Galaktikët” e Real Madrid, në sfidën e parë gjysmëfinale, të këtij turneu.
Me kampionatin dhe Kupën tashmë të humbur, “gjigantët” e Bundesliga janë të fokusuar te Champions League, me tekniku Thomas Tuchel, pret që në sfidën ndaj “Galaktikëve” t’i kthehet nga dëmtimi një lojtar shumë i rëndësishëm si Serge Gnabry, teksa në konferencën për shtyp është shprehur besimplotë, se sulmuesi anësor do t’ia dalë të gjejë rrugën e rrjetës.
“Gnabry do të jetë i gatshëm ndaj Real Madrid. Mendoj se do të luaj dhe do të shënoj gol, por mbetet të kuptohet nëse do ta nisë nga fillimi ndeshjen apo do të aktivizohet nga stoli.
Nga ana tjetër, situatën e Leroy Sane po e monitorojmë ditë pas dite. Është një garë kundër kohës, për momentin ai po sërvitet veçmas dhe e kam të pamundur të bëj një parashikim përsa i përket Sane”,- u shpreh tekniku gjerman.
