Presidenti i Napolit, Aurelio De Laurentiis prej kohësh është duke punuar për të gjetur trajnerin e ri të skuadrës që aktualisht drejtohet nga Francesco Calzona.
Emrat që qarkullojnë në media janë të shumtë, nga Gasperini i Atalantës te Pioli i Milanit.
Megjithatë, së fundmi mediat raportojnë se De Laurentiis do të provojë edhe një tjetër “ofensivë” drejt Antonio Contes, trajnerit që pëlqehet më së shumti në klubin jugor. Për të mbërritur te tekniku nga Lecce nuk është e lehtë jo vetëm prej pagës që kërkon ishi i Juventus dhe Inter, por edhe për ofertat që janë në drejtimin e tij.
Nga Anglia kanë nisur ta “marrin me të mira”, ndërsa Juventus është gjithmonë një opsion për t’u rikthyer. De Laurentiis i duhet të punojë shumë për të bindur trajnerin 54-vjeçar, megjithatë presidenti do të tentojë deri në fund i bindur se Conte mund ta rikthehej Napolin menjëherë në rrugën e suksesit. Sakaq, në listën e De Laurentiis mbeten emrat e Gasperinit, Piolit si dhe Italianos të Fiorentinës.
