Pas barazimit 1-1 ndaj Salernitana-s në shtëpi, trajneri i Juventus-it Massimiliano Allegri u shpreh se nëse nuk do të kishte reaguar në këtë takim, vështirë se mund të merrte veten në ndeshjet e mbetura.
Në konferencën e dhënë për mediet italiani theksoi se në pjesën e parë ekipi i tij bëri gabime, që më pas sollën edhe golin e kundërshtarëve.
“Pjesa e parë ishte e keqe.
E nisëm mjaft mirë, më pas pati disa gabime teknike, u shpërndamë dhe vëmendja jonë ra.
Nuk ishte rastësi që pësuam dhe golin.
Nëse do të kishim humbur sot do të ishte e vështirë ecuria, pasi kemi tre ditë për t’u përgatitur për finalen e Kupës me Atalanta-n, ndërsa është edhe gara për t’u kualifikuar në Champions League”-deklaroi Allegri.
