Intervista e Bruno Fernandes pas ndeshjes me Sky Sports pas fitores 3-2 të Manchester United ndaj Neëcastle u ndërpre nga Erik ten Hag teksa fliste për të ardhmen e tij.
Fernandes ishte lojtari i ndeshjes në fitoren e ngushtë të Djajve të Kuq ndaj Laraskave në Old Trafford.
Pas ndeshjes, ylli portugez u pyet për të ardhmen, duke konfirmuar dëshirën për të mbetur te United.
😍 WHAT A VIDEO!!!
— UF (@UtdFaithfuls) May 15, 2024
Ten Hag couldn't wait for Bruno to finish his post-match interview he had to interrupt and take him away.
ERIK TEN HAG 🥺❤️pic.twitter.com/luqWmnJYZz
“Do të jem këtu derisa të them se klubi duhet të më dëshirojë”, ka thënë fillimisht Fernandes pas ndeshjes.
“Ndjej se klubi dëshiron që unë të jem pjesë e së ardhmes, kështu që siç thashë, nuk dua të jem një lojtar që klubi nuk dëshiron ta ketë”.
“Nëse për ndonjë arsye ata nuk duan të më kenë mua në ekip, unë do të largohem, por…”, ishin fjalët e papërfunduara të portugezit.
Kjo erdhi pas Fernandes u ndalua nga përfundimi i fjalisë së tij nga Ten Hag , i cili e tërhoqi atë nga biseda në mënyrë që të mund të bashkohej me ekipin.
Ndryshe, Fernandes i ka çuar shifrat e tij në 15 gola dhe 12 asistime në sezonin 2023/24 për United. Ai ka më shumë kontribute në gola se çdo lojtar tjetër për Djajtë e Kuq në këtë sezon.
