Real Madrid ka zhvilluar një sezon të jashtëzakonshëm, duke fituar La Liga dhe kualifikuar në finalen e Champions League.
Një nga protagonistët e këtij sezoni është Jude Bellingham, i ardhur nga Dortmund verën e kaluar.
Megjithatë, ai u përshtat në mënyrë të shkëlqyer me skuadrën “los blancos”, duke realizuar 23 gola në total në 40 ndeshje sezonale (po 23 gola ka edhe Vinicius). Nga këto, 19 gola i ka realizuar në La Liga, duke qenë golashënuesi më i mirë i Real në kampionat.
Këtë fakt e ka vlerësuar shumë trajneri Carlo Ancelotti, që duke folur për Bellingham, u shpreh: “Ne nuk kërkojmë asgjë nga Bellignham sepse sezoni i tij është fantastik. Duke qenë viti i tij i parë, askush nuk e priste që ai të shpërthente kështu”.
“Ne nuk mendojmë për golashënuesin më të mirë, ai nuk është aq i rëndësishëm për ne. Qëllimi i sezonit është arritur, pasi të gjithë punojnë për skuadrën. Fituam La Liga edhe falë golave të tij, ndaj ai meriton shumë vlerësime nga të gjithë”, tha Ancelotti.
