Drejtori i çmimit Topi i Artë, Nicolas Manissier, ka treguar se ylli i Barcelonës, Robert Lewandowski, nuk do të marrë çmimin më të madh individual.
France Football vendosi të mos e japë çmimin në vitin 2020, për shkak të pandemisë, pavarësisht se të gjitha garat ishin përfunduar dhe në mënyrë spektakolare për Lewandowskin.
Sulmuesi polak udhëhoqi Bayern Munichun drejt një triplete dhe fitoren e parë të Ligës së Kampionëve në tetë vjet, duke e shkatërruar Barcelonën 8-2 gjatë rrugës.
Gjatë atij sezoni, ai regjistroi 55 gola dhe 10 asistime, duke i kaluar të gjithë të tjerët. Shumë e konsideruan si një padrejtësi që atij nuk iu dha çmimi atë vit, me Lionel Messin madje duke iu referuar kësaj gjatë fjalimit të tij të pranimit vitin e ardhshëm.
Mes bisedave se Topi i Artë mund të jepet në mënyrë retrospektive, Manissier ka thënë për Cadena SER se një gjë e tillë nuk do të ndodhte.
“Ne nuk po shqyrtojmë dhënien e Topit të Artë Robert Lewandowskit për vitin 2020. Si institucion, ne kemi rregullat tona që i respektojmë me rigorozitet”, ka thënë Manissieri.
Pa dyshim që merita e çmimit është vënë në pikëpyetje vitet e fundit, me votat e ardhura nga një kombinim i gazetarëve për të votuar për çmimin.
Po kështu, është vënë në pikëpyetje edhe çmimi i lojtarit më të mirë të vitit nga FIFA, i votuar nga lojtarët dhe trajnerët, por ai ende zë një vend prestigjioz në mendjet e futbollistëve.,
