Qyteti i Strugës është në festë futbolli!
Në ditën e shtunë përkatësisht më 18 maj, skuadra e futbollit Struga Trim Lum, do të festojë titullin e ri të Maqedonisë së Veriut dhe atë para tifozëve të vet, të dytin rresht në histori të kolektivit, gati ka mbushur një dekadë që nga themelimi.
Organizimi dhe puna e madhe që u bë në këtë kolektiv me pronar Mendi Qyra, u shpagua me titullin e kampionit dhe siguruan biletën për në kualifikueset e Champions League.
Gjithçka po shkon sipas planit sa i përket përgatitjeve për sfidën e fundit derbi me Shkupin por mbi të gjitha kjo ndeshje do të jetë një festë futbolli për Strugën.
Fitorja në Tetovë me rezultat 2:0 ndaj Shkëndijes, rivalit direkt për titull, hoqi dilemën e kampionit.
Struga Trim Lum
Struga praktikisht kampion i ri e ka 64 pikë, tre më shumë se Shkëndija në pozitën e dytë dhe pesë se Shkupi që renditet në të tretin pas javës së 32-të.
Kapiteni Bunjamin Shabani apo arkitekti i mesfushës, tha se me meritë fituan titullin.
Bunjamin, Struga Trim Lum kampione, një titull që u sigurua ndaj rivalit direkt në Tetovë pra Shkëndijes, sa ishte e vështirë dhe a keni besuar, kur kihet parasysh në Struga u paraqit në udhëtim në një atmosferë brilante, mbi 10.000 mijë shikues të pranishëm në stadium?
“Normalisht një kampionat shumë i vështirë me rivalë si Shkupi dhe shkëndija, ku gjatë tërë kampionatit ishim afër me pikë, vendosi ndeshja direkte me Shkendijën.
Një atmosferë shumë e mirë ku mendoj që me meritë fituam ndeshjen dhe titullin kampion”, thotë Shabani për gazetën kombëtare “Bota sot”.
Shabani flet edhe për sfidën e të shtunës (17.00) para shikuesve të vet kundër Shkupit, ku shpreh optimizmin dhe premton maksimumin me ekip: “Normalisht që jemi të koncentruar edhe pse titullin e kemi siguruar.
Kemi edhe një ndeshje që të bëjmë maksimumin para tifozëve të Strugës dhe të festojmë titullin kampion”.
Kur të gjithë menduan se Strugës i minimizohen gjasat për titull, shpërtheu në kohën vendimtare, a e keni pritur dhe çka e veçojë ekipin nga të tjerët?
“Ne gjatë gjithë vitit kishim besim te ekipi edhe pse bëmë disa gabime në ndeshjet e fundit por mendoj që në ndeshjen vendimtare treguam se e meritojmë titullin kampion ndoshta përvoja e lojtarëve dhe në derbi momente veçanta si dhe ekipi që bën me pak gabime”, ka përfunduar Shabani.
