Fatmirësisht, më e keqja tashmë është hedhur pas Ylber Ramadanit.
Mesfushori i Leçes u përball me një problem shumë të rëndë shëndetësor disa javë më parë.
“Isha vërtet shumë i sëmurë, rrezikova të vdisja”, përsërit Ramadani dy herë për DAZN Talks.
Më pas mesfushori i Kombëtares Shqiptare i falënderon të gjithë:
“President, drejtor sportiv, trajner, klub ishin të gjithë pranë meje.
Isha shumë i shqetësuar, por tani jam mirë. Për dhjetë ditë më shikonin sikur të isha fëmijë i presidentit apo drejtorit.”
Më 23 prill, Leçe lëshoi një buletin zyrtar mjekësor:
“Ramadani pësoi një absces në qafë që i shkaktoi vështirësi në frymëmarrje për disa ditë.
Sportisti iu nënshtrua menjëherë analizave dhe terapive të specializuara, të cilat i lejuan të shmangte operacionin”.
