Milani ka arritur marrëveshje me Paulo Fonsecan.
Lajmin e ka bërë të ditur gazetari sportiv italian, Fabrizio Romano.
Trajneri aktual i Lillet do të nënshkruajë kontratë dyvjeçare me “Rossoneri”, respektivisht deri në verën e vitit 2026, ndërsa thuhet se do të paguhet nga 2,5 milionë euro në vit.
Në opsion është edhe vazhdimi i kontratës për një vit tjetër dhe vetëm në atë rast rroga e tij do të rritej.
Marrëveshja pritet të zyrtarizohet shumë shpejt, ashtu edhe siç pritej.
Trajneri i deritashëm i Edon Zhegrovës në “San Siro” do ta pasojë Stefano Piolin, i cili u nda me Kuqezinjtë pas ndeshjes që Milani e luajti në fundjavën që shkoi.
Edhe pse tifozët janë kundër angazhimit të trajnerit portugez, duke e preferuar Antonio Conten, duket se drejtuesit e klubit tashmë kanë vendosur dhe Fonseca do t’i drejtojë Kuqezinjtë nga edicioni i ardhshëm.
Ai e bëri një punë të mirë tek Lille me Edon Zhegrovën dhe shokët e tij.
Dhe, nuk përjashtohet mundësia që Fonseca ta kërkojë në ekipin e tij të ri pikërisht “Messin e Kosovës”.
