Futi çiftelinë në orkestrën gjermane rrëfehet shqiptarja: E kam traditë nga vendlindja

Gjermania

Futi çiftelinë në orkestrën gjermane rrëfehet shqiptarja: E kam traditë nga vendlindja

Më: 24 janar 2022 Në ora: 09:53
Hava Bekteshi

Hava Bekteshi është një ekonomiste nga qyteti Neustadt afër Hamburgut, Gjermani. Ajo ka migruar nga Maqedonia në Gjermani, me prindërit, kur ka qenë vajzë 14 vjeçe.

Shqiptarja i ka surprizuar të gjithë pasi është bërë pjesë e orkestrës gjermane të Hamburgut. Kjo pasi luan instrumentin e çiftelisë.

Në një lidhje me Skype për “ABC e Mëngjesit”, Hava tregoi se si u bë pjesë e orkestrës. Ajo madje theksoi se çiftelia është një traditë nga vendi i saj i lindjes.

“Unë me profesion jam ekonomiste e diplomuar këtu në Hamburg dhe mësuese e gjermanishtes. Por kam qenë në një koncert shqiptarësh ku mes tyre kam qenë dhe unë. Në këtë koncert është folur se si ka qenë një ditë e komunitetit shqiptar në Hamburg dhe unë kam qenë me çifteli.

Kur jam pranuar në këtë projekt, në fillim nuk ka qenë kaq e thjeshtë, por çiftelia ka rënë në sy sepse është edhe një instrument i veçantë.

Në familjen tonë kemi pasur gjithmonë një çifteli, që e vogël në shkollën fillore kam marr pjesë në aktivitete. Unë jam nga Gostivari dhe e kemi traditë çiftelinë”, u shpreh Hava.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat