Kosova shënon fitoren e parë, gjunjëzon Turqinë 

Hendboll

Kosova shënon fitoren e parë, gjunjëzon Turqinë 

Nga: Kemajl Goca Më: 12 janar 2022 Në ora: 20:07
Kosova shënon fitoren e parë, gjunjëzon Turqinë 

Kombëtarja e Kosovës shënon fitoren e parë në parakualifikueset për Kampionatin Botëror në hendboll.

Dardanën gjunjëzuan me rezultat 26:24 (13:13) Turqinë, në ndeshjen  që u zhvillua në Qendrën e Rinisë dhe të Sportit në Prishtinë. 

Kjo ishte ndeshja e parafundit e Grupit 1, fitorja e parë e djelmoshave tanë pas tri humbjeve e një barazimi.

Fillimisht, Kosova kaloi në epërsi me 1:0, barazohet 1:1. Në minutën e 8-të, Turqia avancon me 1:4 dhe barazohen shifrat sërish 7:7 (14’). Në minutën e 21-të, Kosova sërish në epërsi me 9:8 dhe për të përfunduar pjesa e parë 13:13.    

Dardanët e nisin mirë pjesën e dytë, duke kaluar në epërsi me 14:13.  Në minutën e 34-të, Kosova shton epërsinë në dy gola (15:13).

Megjithatë turqit luajnë lojën e tyre e shfrytëzuan gabimet e Dardanëve, duke barazuar rezultatin në 18:18 në minutën e 38-të. Pas një minute Kosova në disavantazh (15:16) apo një seri 0:3.

Një ndeshjet e luftuar deri në pikën e fundit e me rezultat të ngushtë.

Në minutën e 45-të,  rezultati 18:18, 21:21 (50’).  Pas një loje me emocione, në minutën e 53-të Kosova avancon me 23:22.  Përmbysja ndodhi brenda dy minutave (23:24).

Në minutën e 56-të, Dedaj fantastik shënon për 25:24. Kosova shton epërsinë në 2 gola (26:24) në minutën e 57-të. 

Kosova ka shënuar fitore me rezultat 26:24 ndaj turqve.

Valon Dedaj është më efikasi te Kosova, duke shënuar 9 gola i ndihmuar nga Drenit Tahirukaj me 7, Drilon Tahirukaj 5, Bujar Ramosaj 2, Shaban Zogaj 2, Lulzim Shabani 1.

Görkem Biçer shënoi 6 gola dhe është më efikasi në radhët e Turqisë.  

Selektorit Bujar Qerimit më në fund i buzëqesh fytyra, një fitore që e kthen vetëbesimin të djelmoshat e tij para sfidës së fundit me Belgjikën. 

Greqia kryeson me 8 pikë, pasojnë Turqia 4, Belgjika 3 dhe Kosova 3 pikë. Greqia dhe Belgjika kanë  një ndeshje me pak. Me 15 janar Belgjika takohet me Kosovën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat