Fundjava është festë hendbolli.
Të shtunën dhe të dielën luhen ndeshjet e Kupës së Kosovës në konkurrencën e femrave dhe të meshkujve.
Lideri i Kampionatit të Kosovës, Rahoveci synon trofeun e parë në histori të ekzistimit si klub.
Hendbollisti i kësaj skuadre, Jeton Bislimi, tha se po përgatiten për sfidën me Besa Famgas.
Përballja gjysmëfinale mes Rahovecit dhe Besa Famgas luhet të shtunën (27 prill, në orën 20.00) në palestrën e sportit “Karagaç” në Pejë.
Bislimi me Rahovecin pretendojnë fitore.
“Rahovecin dhe grupin tonë e shoh të motivuar për me arrit ata që kem filluar qysh në fillim të sezonit.
E dimë që është një lojë e fortë, është finale para finales, por besoj që kem grupin shumë të mirë edhe funksionojmë si familje.
Besoj që do të arrijmë atë që e kemi për synim këtë sezon. Në fund le të fitoj ekipi më e mirë”, thotë Bislimi për gazetën kombëtare “Bota sot”.
Gjysmëfinalja tjetër luhet në orën 18.00 po të shtunën, ku ndeshen Kastrioti – Trepça.
