Kastrioti i Ferizajt është fitues i Kupës së Kosovës në hendboll.
Ferizajasit shënuan fitore të madhe me rezultat 34:32 ndaj Besa Famgas, në finalen e madhe që është zhvilluar në palestrën e sportit “Karagaçi” në Pejë.
Djelmoshat e kryetrajnerit Vlladimir Gligorov shkëlqyen, ndërsa kryetari i klubit, Fisnik Jashari, me kryesi ka merita të mëdha, për kushtet që iu ka krijuar hendbollistëve.
Kastrioti udhëhoqi me 15:10 ndaj Besa Famgasit pas pjesës së parë. në pjesën e dytë lojë e mirë dhe ferizajasit avancuan edhe me 25:28 dhe fituan takimin me 34:32.
Skuadra ferizajase ka qenë në epërsi që nga fillimi e deri në fund. Besa nuk ka ndalur përpjekjet për t’u kthyer në lojë. Ia doli të barazojë në disa raste, por jo edhe të kalojë në avantazh. Kastrioti, falë mbrojtjes së fortë dhe lojës efikase të Deniz Terziqit në sulm e mbylli ndeshjen me festë të madhe.
Në finalen shumë të fortë, të dielën mbrëma në Pejë, Kastrioti e mposhti Besa Famgasin me rezultat 34:32.
Terziqi i shënoi plot 16 gola. Kapiteni Rron Ramadani i shënoi shtatë gola, pos që dha kontribut të madh në mbrojtje. Ai u shpall më i miri i ndeshjes te Kastrioti.
Beni Sula i shtoi gjashtë, ndërsa u dallua sidomos portieri Liridon Esati me shumë e shumë pritje.
Pas 5 viteve Kupa rikthehet në tempullin e hendbollit.
Fituesit e Kupës së Kosovës:
2023/24 Kastrioti
2022/23 Trepça
2021/22 Besa Famgas
2020/21 Besa Famgas
2019/20 Besa Famgas
2018/19 Kastrioti
2017/18 Besa Famgas
2016/17 Besa Famiglia
2015/16 Besa Famiglia
2014/15 Besa Famiglia
2013/14 Besa Famiglia
2012/13 Prishtina
2011/12 Besa Famiglia
2010/11 Besa Famiglia
2009/10 Besa Famiglia
2008/09 Kastrioti
2007/08 Prishtina
2006/07 Kastrioti
2005/06 Kastrioti
2004/05 BESA
2003/04 Kastrioti
2002/03 BESA
2001/02 Trepça
2000/01 Prishtina
1999/00 Prizreni
1998/99 (Kupa nuk u zhvillua për shkak të luftës në Kosovë)
1997/98 (Kupa nuk u zhvillua për shkak të luftës në Kosovë)
1996/97 Vëllaznimi
1995/96 BESA
1994/95 Llapi
1993/94 Trepça
1992/93 Prishtina
1991/92 Kastrioti
