Kastrioti i Ferizajt është ende në festë nga triumfi në Kupën e Kosovës në hendboll (meshkujt).
Ferizajasit tani pretendojnë ta fitojnë edhe titullin e kampionit të Kosovës.
Janë rritur shumë apetitet pas suksesit në Kupën e Kosovës dhe kudo në qytet flitet me krenari për suksesin e djelmoshave të Kastriotit.
Kastrioti
Portieri Liridon Esati ka qenë figura qendrore në finale të Kupës, në fitore kundër Besa Famgas me rezultat 34:32.
Ai ka mbrojtur një mori gjuajtje të hendbollistëve të rivalit dhe kësisoj bëri diferencën.
Esati ëlhtë ballëlart për suksesin dhe që Kupa pas pesë viteve u rikthye në tempullin e hendbollit.
Portieri i shquar me qetësi e pret play-offin përkatësisht përballjen me Besa Famgas.
“Bota sot”: Si e sheh Kastriotin në play –off?
Liridon Esati: Trajnerët tanë kanë adoptuar një qasje të përpiktë në përgatitjen tonë për play-off, duke rrënjosur një ndjenjë përqendrimi dhe intensiteti në çdo seancë stërvitore.
Me një përkushtim të palëkundur për përsosmëri, ne po përmirësojmë aftësitë tona, po përmirësojmë taktikat tona dhe po forcojmë punën tonë ekipore për performancën maksimale.
Nivelet Intensiteti i stërvitjes sonë pasqyron ambicien tonë kolektive për të ndërtuar jo vetëm suksesin tonë në Copa, por edhe për të dalë fitimtar në garën e ardhshme të titullit të ligës së play-off-it kampionat”.
“Bota sot”: A është rritur edhe më shumë motivi pas triumfit në Kupë të Kosovës?
Liridon Esati: Normalisht fitorja e Kupës na ka dhënë më shumë vetëbesim dhe entuziazëm, por në të njëjtën kohë edhe më përgjegjës që të luftojmë për ambiciet tona në këtë rast finalen e Play-off
“Bota sot”: Cilat janë përparësitë e Kastriotit?
Liridon Esati: Organizimi i mirëfillti i klubit, puna dhe angazhimi ekipor, si dhe uria dhe përkushtimi që kemi ta rikthejmë edhe titullin në Ferizaj.
“Bota sot”: Përballeni me Besën në gjysmëfinale të Play-off-it, a mendoni se jeni më të mirë se rivali?
Liridon Esati: Konsideroj që tashmë kemi dëshmuar se mundë ta mposhtim Besën (edhe në Pejë) meqë e kemi kundërshtar në Play-Off megjithatë gjithashtu jemi të vetëdijshëm që edhe ata do ti qasen ndryshe ndeshjes me ne.
Të paktën i kemi thyer njëherë edhe në aspektin taktik por mendoj se edhe në atë psikik.
“Bota sot”: Në bazë të analizave, Kastrioti duke më i mirë me hendbollistë, pra individualisht në secilën pozitë me rivalët?
Liridon Esati:: Këtë vlerësim e dhanë edhe çmimet individuale që morëm në finale, por edhe nga vlerësimet e mëhershme e nga Federata ne kemi lojtarët individual më të dalluar vendor.
“Bota sot”: Çfarë i premtoni tifozëve “Ujqve”?
Liridon Esati: Se do të luftojmë që ta rikthejmë dinjitetin e sportit të hendbollit në qytetin e traditës dhe lavdin e klubit.
“Bota sot”: Shikuesit po kthehet, a është edhe një forcë tjetër për ekip?
Liridon Esati: Po, Kastrioti ka numrin më të madh të tifozëve në palestër edhe këtë vit dhe në përgjithësi ferizajasit njihen si dashamirë dhe njohës të Hendbollit, për këtë arsye konsiderohemi qyteti më me traditë në vend në këtë sport. Këtu ka patur ndikim riorganizimi i klubit si dhe bashkëpunimi edhe me tifo grupin “Ujqit”.
“Bota sot”: A keni besuar se do ta fitoni Kupën?
Liridon Esati: Po, me të vërtet kemi besuar dhe kemi punuar në këtë drejtim. Edhe mënyra se si i jemi qasur ndeshjes, duke falënderuar kryesin për karantinën, mënyra se si kapiteni ka motivuar skuadrën e deri te përgatitja e taktike e trajnerit kemi punuar dhe besuar se mundë ta fitojmë këtë trofe
“Bota sot”: Keni qenë figura qendrore në finale me Besën, çfarë iu ka motivuar?
Liridon Esati: Besimi që kanë patur në mua bashkëlojtarët, stafi i trajnerëve si dhe kryesia e klubit të cilët më zgjodhën që ti bashkohem klubit, mirëpritja nga homologu Dardani dhe puna me trajnerin Meritonin.
Gjithashtu si lojtari MVP i HC Kastrioti në turneun e Kupës, jam i nderuar të drejtoj ekipin tonë drejt fitores me vendosmëri dhe aftësi për të dëshmuar se gjithçka ishte e merituar.
Duke parë përpara konkurrencën tonë për titullin e ligës në play-off, unë e shoh ekipin tonë si një njësi të bashkuar, të gatshme për të ngritur lojën tonë në lartësi të reja përmes përgatitjes rigoroze, punës së palëkundur në ekip dhe një dëshirë të fortë për të fituar kampionatin.
“Bota sot”: Mesazhi për dashamirët e këtij sporti?
Liridon Esati: Ta mbështesin hendbollin sepse është një sport që ndikon pozitivisht në shumë aspekte, tash edhe i ranguar në kategorinë A, dhe se të punohet me gjenerata të reja.
Dhe Ferizajasit të na mbështesin vazhdimisht.
