Ferizaj është skuadra e dytë finaliste e plejofit të Superligës së Kosovës në hendboll (femrat).
Në gjysmëfinale, Ferizaj e elimonoi Prishtinën. Ferizajasat i shënuan dy fitore bindëse.
Fitoren e dytë, Ferizaj e realizoi të enjten pasdite në kryeqytet me rezultat 49:24. Dallimi në cilësi ishte i madh dhe u konfirmua që në pjesën e parë që përfundoi 23:5.
Anja Bojaniq i shënoi 11 gola për Ferizajn, kurse 10 i kishte Luljeta Sopjani.
Me 8 gola ndeshjen e përfundoi Elsa Kongjeli.
Te Prishtina nga 6 gola i shënuan Arona Krasniqi e Enea Ajvazi.
Në finale, Ferizaj takohet me Istogun, kampionin aktual. Ferizaj e ka fituar Kupën e Kosovës javë më parë. Ndeshja e parë finale zhvillohet në palestrën “Bill Clinton”.
