Të shtunën prej orës 19:00 janë ndeshjet e dyta të gjysmëfinales së plejofit në Superligën e Kosovës në hendboll (meshkujt).
Në “Minatori” në Mitrovicë takohen Trepça e Rahoveci.
Rahoveci fitoi të mërkurën në ndeshjen e parë me rezultat 37:28. Me tjetër fitore siguron vendin në finale. Ndeshja në Rahovec ishte e fortë, sidomos në pjesën e dytë kur mitrovicasit u kthyen në lojë.
Por në fund sërish Rahoveci u shkëput për fitore bindëse.
Në Ferizaj takohen Kastrioti e Besa Famgas.
Të enjten në Pejë, Besa fitoi me rezultat 30:27, ndërsa ishte në epërsi thuajse gjithë kohën. Kastrioti ka telashe me lëndimin e lojtarëve, por pa telashe nuk është as Besa.
Derisa pejanët shpresojnë të sigurojnë biletën për finale, ferizajasit do të bëjnë çdo gjë për të siguruar ndeshjen e tretë që do të luhej sërish në Pejë. Kastrioti, që ka fituar Kupën, llogarit edhe në përkrahjen e shikuesve.
