Fotoja e përbashkët e Musine Kokalarit dhe Drita Kosturit

Historia

Fotoja e përbashkët e Musine Kokalarit dhe Drita Kosturit

Më: 25 qershor 2022 Në ora: 08:32
Fotoja e përbashkët e Musine Kokalarit dhe Drita Kosturit

Më 25 qershor 1934 u shkrep një foto historike e Musine Kokalari dhe Drita Kosturi të dyja krah njëra tjetrës.

Musine Kokalari dhe Drita Kosturi, dy mike, studente të Universitetit të Romës, e para për letërsi dhe filozofi, e dyta për mjekësi, dy idealiste që donin me shpirt progresin e Shqipërisë. Edhe pse përpjekjet dhe qëndresa e tyre ishte dinjitoze, kjo nuk e pengoi aspak regjimin i cili i burgosi dhe i internoi.

Është e pashembullt për kohën dhe regjimin oponenca që Musine Kokalari i bëri trupit gjykues ditën e dënimit të saj.

“...Unë mendoj ndryshe nga ju, por e dua vendin tim. Ju po më dënoni për idetë e mia. Unë nuk kërkoj falje, sepse nuk kam bërë asnjë faj!”- do të shprehej ndër të tjera ajo.

Drita Kosturi si mjeke që ishte, gjatë viteve të burgimit u shërbente të burgosurve të sëmurë dhe të tjerëve që kishin nevoja mjekësore aty brenda.

Për këto fakte të trishta të mikeve Musine e Drita, ka shkruar me admirim dhe At Zef Pllumi tek “Rrno për me tregue”, ku ndër të tjera shkruan në libër dhe një amanet që Padër Pali i len At Zefit për Drita Kosturin:

“Sakrificat e saj për mue, kurrë nuk do t’i harroj. Po të porosis që, në kjoftë se vjen ndoniherë dita e lirisë, ajo duhet konsiderue si mike e Urrdhnit Françeskan".

Foto është publikuar nga Drejtoria e Përgjithshme e Arkivave të Shqipërisë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat