Ndonëse e diela nuk është ditë kur mësimdhënës të shumtë janë në punë mirëpo të shumtë iu përgjigjen ftesës së shtëpisë botuese “Dukagjini” dhe njërës nga shtëpitë botuese më të mëdha në botë “Pearson Education”.
E ftesa ishte që këta arsimtar e arsimtare të nisin trajnimin në gjuhën angleze.
Në këtë trajnim, mësimdhënësit janë njoftuar rreth metodave të reja për t’i ndihmuar nxënësit të zbulojnë teknika të reja të mësimit, duke përdorur shembuj nga librat Wider World, Today dhe Yazoo.
“Pika kryesore për në ka qenë mbështetja për mësimdhënësit e Kosovës, shumica e mësimdhënësve janë të njohur edhe më këto trajnime, nuk është hera e parë por është hera e tret që po e organizojmë një trajnim të tillë bashkë më Pearson,” ka thënë Erza Mati nga Shtëpia botuese, “Dukagjini”.
Ngjashëm si në Prishtinë, një ditë më parë, një trajnim i tillë është mbajtur edhe në Pejë.
Jeanne Perret, trajnere e shtëpisë botuese Pearson për mësimdhënës të gjuhës angleze, thotë se fëmijët e Kosovës por edhe mësimdhënësit janë me shumë fat, pasi që mësojnë me libra të njejtë si fëmijët në vendet më të zhvilluara të botës.
“Unë mendoj se duhet shumë punë për të bërë, në fakt dhe shpresoj që ne t’ua bëjmë mësuesve më të lehtë sepse ata kanë gjithçka,” ka thënë Jeanne Perret, trajnere nga Pearson për mësimdhënës të gjuhës angleze.
Secili pjesëmarrës është pajisur me kodin për materialet mësimore dhe materialet ndihmëse, si dhe janë certifikuar për pjesëmarrje.
Pjesëmarrësit që u trajnuan, thanë se mësimet që morrën do të iu ndihmojnë gjatë orëve në të cilat ligjërojnë.
“Është hera e dytë që po marr pjesë në këto trajnim, është shumë e përshtatshme për neve. Trajnimet na ndihmojnë më fresku mësimdhënien, një metod të re,” tha Faton Retkoceri, mesimdhënës i Gjuhës Angleze.
Shtëpia Botuese Dukagjini dhe “Pearson Education”, theksojnë se këto lloj trajnimesh janë një derë e re, e cila po u hapet mësimdhënëseve të gjuhës angleze për të eksploruar metoda të reja dhe të thjeshta, por inovative, në mënyrë që t’i motivojnë nxënësit drejt mësimnxënies.
