Plagosja e 60-vjeçarit në Kombinat, autori efektiv i FNSH-së! Në momentin e ngjarjes ishte në gjendje të dehur

Kronikë e zezë

Plagosja e 60-vjeçarit në Kombinat, autori efektiv i FNSH-së! Në momentin e ngjarjes ishte në gjendje të dehur

Më: 23 maj 2022 Në ora: 23:32
Foto ilustrim

Murteza Lika, 60-vjeçari që u plagos mbrëmjen e sotme në Kombinat është qëlluar me armë zjarri nga një efektiv i Forcave të Ndërhyrjes së Shpejtë.

Mësohet se efektivi i policisë me iniciale L. Gj. është shoqëruar nga kolegët e tij, ndërsa në momentin e ngjarjes ka qenë në gjendje të dehur.

Dyshohet se 60-vjeçari ka qenë i ulur në një kafene në anë të rrugës dhe më pas është parë nga banorët e zonës duke ecur zvarrë për shkak të plagës që ka marrë në këmbë.

Mbrëmjen e sotme një tjetër ngjarje e rëndë me protagonistë dy efektivë policie ndodhi në ambientet e Komisariatit nr. 3 në Tiranë.

Polici Ludian Zaimi qëlloi me armë zjarri kolegun e tij Çaush Saliasi me armën e shërbimit ndërkohë që ky i fundit ndërroi jetë në spital për shkak të plagëve të marra.

Njoftimi i policisë

Në lidhje me informacionin paraprak të dhënë pak më parë, i cili bën fjalë se në Kombinat është plagosur me armë zjarri në këmbë shtetasi M. L., 60 vjeç, ju sqarojmë se:

Nga shërbimet e Komisariatit të Policisë Nr. 6 është identifikuar dhe shoqëruar në ambientet e komisariatit, autori i kësaj ngjarje, shtetasi L. Gj., efektiv i FNSH-së, i cili gjatë kryerjes së krimit ka qenë në gjendje të dehur.

Grupi hetimor i krijuar nga Agjensia e Mbiikëqyrjes Policore (AMP) nën drejtimin e Prokurorisë së Tiranës, ndodhet në vendngjarje dhe po punon për sqarimin e rrethanave të ngjarjes.

commentFirst article
Sot mund të lexoni Shfletoni kopertinat