O mëdet çfart mban kjo tokë
Injorantët plot me okë
Ca ministëra titullarë
Ca drejtor e ca zyrtarë
Mbushur zyrat me mediokër
Deputetët kokërr për kokërr
Këta soj burrash fut në garë
Kush të zgjidhet kyetar
E dikujt ti marrë vulën
E dikujt ti rras kësulen.
Ministritë krejt lara lara
Mbushur plot zagar e bala
Një ministëre krejt rruspi
Qe dhe toka s’ka ma zi
Flet me fjalë e na thotë
Do të mblidhemi sot tok
Të krijojmë akademi
Dhe për dhen edhe për dhi
Mbushur zyrat me fallxhore
E hajdutët dorë përdore
Vijne e ngrifen por si gjela
Fort e ndritur mor karriera
Një farë mostre kryetar
Prostitutë e i përdalë
Krah’ i djathtë i kryetarit
Ky farë soj biri i t’marrit
Kthyer zyrat si motele
E medet pa soj këto zhele
I randësishëm si ministri
Sot është ba patrozhanisti
Dikur ish njeru i ri
Ky zuzar sot në vend të tij
S’ka ma zi sot blihet vota
Po çuditet e tan bota
E lakenjtë dalin të parë
Kush gomar e kush trutharë
Ulen prulen bahen shtrosa
Sapo vjen e flet Europa
E nanlokja qan me lot
Mbush tragetet e malet plot
Vijnë pa nda por si stuhi
Ikin pleq e ikin fëmi.
Ca t’tjerë vjedhin në hipoteka
E ven zjarr në biblioteka
S’dinë gja tjetër këta mediokër
Veç të vjedhin kokërr për kokërr
Vjedhin haptas jo në fshehtësi
Për atdhe asnjë ndjesi
Par ka dija mos ma zi
Këta të ngrejnë ty kurthe e leqe
Këta të çojnë në ditë të keqe
Po ti s’prulesh prap Shqipëri
Prap ke djem e ke rini
E nga fjala nuk kanë frikë
E në kamb ngrihen një ditë
E atëhere prit e shif
Anë e kënd lëshojnë rrufe
Tundin tokë e tundin dhe
E atëhere i madhi zot
Lëshon rufe ditën me mot.
E keta soj bala, zagar
E këta hajduta e të marrë
Prostitutë e të përdalë
Krejt prej hundësh do t’iu dalë.
Këtyre mostrave varu teneqen
Ty Shqipëri të marrshin të keqen.
