Një grabitje e rëndë ka ndodhur sonte në një nga lagjet e Kumanovës, me ç’rast është vjedhur një shumë e madhe parash.
Sipas policisë së Kumanovës, sonte në ora 20:20 është raportuar se në rrugën “Done Bozhinov” në Kumanovë, një xhip “Range Rover” me targa të Shkupit ka goditur automjetin “Pasat” me targa të Kumanovës që drejtohej nga S.S.(63) nga Kumanova. Më pas personat nga Range Roveri kanë qëlluar në drejtim të drejtuesit të mjetit të pasagjerëve “Pasat” dhe i kanë marrë një çantë me para”.
Më tej thuhet se grabitësit i kanë vënë flakën mjetit të pasagjerëve “Range Rover”, pranë mbikalimit pranë hotel “Satelit” dhe janë larguar me një mjet tjetër.
Në vendngjarje kanë mbërritur forcat zjarrfikëse, policia dhe ambulanca.
Banorët e shqetësuar nga shtëpitë aty pranë thonë se i gjithë operacioni dukej si film.
