Qeveria e re në Beograd u votua dje dhe në krye të diplomacisë serbe u vendos Marko Gjuriq.
Para pozitës së tij si ambasador në SHBA, ai ka mbajtur pozitën e shefit të të ashtuquajturës zyrë për Kosovën në qeverinë serbe.
Gjuriq është megjithatë më i njohur në publikun serb si një sykofant konsistent i presidentit serb Aleksandar Vuçiq. Ai do të mbahet mend për duartrokitjet e tij energjike gjatë fjalimeve të Vuçiqit, kujton gazeta boshnjake, Oslobođenje, e cila ka kujtuar një prej budallallëqeve të shefit të ri të diplomacisë serbe.
Pasi u emërua ministër i ri i Punëve të Jashtme, në domenin publik u shfaq një video e një prej paraqitjeve televizive të Gjuriqit gjatë mandatit të tij si shef i të ashtuquajturës zyrë për Kosovën në qeverinë serbe. Në një moment, ai deklaroi me besim se atë vit në Mitrovicën e Veriut do të lindnin 100 foshnje më shumë se një vit më parë. Kur u pyet nga gazetari se si mund ta dinte këtë, ai u përgjigj: “Unë isha atje”.
Pas një kohe të shkurtër, të dy filluan të qeshin.
