Kryetari i Lëvizjes Qytetare “Odgovor”, Boban Bogdanoviq, ka njoftuar se ka nisur një fushatë për krimet e kryera të Serbisë ndaj popullatës civile në Kosovë.
Ai ka paraqitur një padi ndaj Serbisë në Gjykatën Ndërkombëtare të Drejtësisë (GjND) për të gjitha krimet e kryera në Kosovë.
Kështu ka bërë të ditur vetë ai përmes një postimi në platformën “X”.
Bogdanoviq ka bërë thirrje që kjo fushatë të mbështet nga komuniteti ndërkombëtar dhe publiku i Kosovës.
“Sot kam filluar një fushatë zyrtare për Kosovën. Kam paraqitur një padi ndaj Serbisë në Gjykatën Ndërkombëtare të Drejtësisë për të gjitha krimet e kryera në Kosovë dhe veçanërisht për gjenocidin ndaj shqiptarëve të Kosovës në vitin 1999. I bëj thirrje komunitetit ndërkombëtar dhe popullit të Kosovës për mbështetje”, ka thënë Bogdanoviq.
Today I started an official campaign,
— Boban Bogdanović (@DissidentAnswer) May 16, 2024
to 🇽🇰 submit a lawsuit against 🇷🇸 to the International Court of Justice for all the crimes committed on 🇽🇰
and especially for the genocide against Kosovo Albanians in 1999.
I call on the international community and the 🇽🇰 public for support!
