Nëse një çift fillon duke shprehur negativitet ndaj njëri-tjetrit qoftë me fjalë, me shprehje të fytyrës, ose me gjuhën e trupit (cinizëm, sarkazëm,rrotullim të syve), kjo sinjalizon që një periudhë negative është duke ndodhur në lidhjen tuaj, dhe pothuajse në mënyrë të pashmangshme.
Nëse çifti shpreh zhgënjim në marrëdhënie, duke u ndjerë i zhgënjyer, sikur martesa nuk është ajo që ata mendonin se do të ishte, ose nëse janë në depresion, të pashpresë dhe të hidhur në lidhje me marrëdhëniet e tyre, divorci ka për të ndodhur.
Ngjarjet negative dhe incidentet e pështira janë të pashmangshme në të gjitha marrëdhëniet. Lidhja pozitive është gjithçka rreth asaj se si çiftet pozitivisht interpretojnë ngjarjet e tyre negative dhe karakterin e partnerit të tyre, dhe nëse në mendjen e tyre në baza të përditshme ata maksimizojnë pozitivitet.
Ajo që nënkupton është se një negativitet i përgjithshëm i perceptuar shpejt do të dëmtojë një marrëdhënie. Dhe çdo martesë dhe marrëdhënie e suksesshme, në themelet e saj, ka një partneritet të thellë dhe të ngushtë miqësie. Njohja e vërtetë e njëri-tjetrit do të thotë të jeni një skuadër kudo që shkoni dhe të zgjidhni problemet së bashku.
Sigurisht që ndonjëherë të gjithë e kuptojmë gabimisht. Marrëdhëniet e lumtura nuk janë marrëdhënie ku nuk ka luftime. Ato janë marrëdhënie ku bëhen riparime. Çiftet e lumtur nuk janë aq shumë të ndryshëm nga çiftet e pakënaqur, ata thjesht janë në gjendje të bëjnë riparime të marrëdhënieve të tyre më të lehtë dhe më të shpejtë në mënyrë që ata të mund të kthehen në gëzimin për të qenë së bashku.
Në fund, një pjesë e madhe e suksesit ose e dështimit të marrëdhënies tënde varet nga bisedat që keni me njëri-tjetrin. Hulumtuesit studiuan treqind çifte regjistruan bisedat e tyre dhe ndanë tregimet e tyre. Në çiftet e reja, dhe çiftet e martuar hulumtuesit gjetën që këto biseda i afruan më pranë dhe i ndihmuan ata të shohin njëri-tjetrin në mënyra të reja dhe emocionuese. Ata u bënë miq më të mirë!
